Главната цел на проектот е да го поддржи процесот на деинституционализација на ЈУ Специјалниот Завод во Демир Капија и да се зајакне вклученоста на лицата со интелектуална попреченост во пошироката заедницата.

Во насока на остварување на наведеното се поставени пет специфични цели:

1.Да се преселат лица со интелектуална попреченост кои живеат во специјалниот завод во Демир Капија во станбени единици базирани на нивните потреби;

2.Да се развијат нови социјални услуги базирани на заедницата, и да се прошират и подобрат постојните локални социјални услуги во Демир Капија;

3. Да се развијат и имплементираат нови начини на испорака на социјални услуги засновани врз правата на корисниците, индивидуален пристап, вклученост и зајакнување на корисниците и воспоставување на колаборативни, партиципативни и проактивни пристапи;
4. Да се зајакнат капацитетите и вештините на стручните лица во обезбедувањето на индивидуални социјални услуги за лицата со ментална / интелектуална попреченост;
5. Да се зголеми свеста на локалната заедница и засегнатите страни за проблемот со институциите и предностите на деинституционализацијата, за правата на лицата со инвалидитет во борбата против стигмата, за придобивките од вклученоста и на корисниците и на заедницата.

Со цел да се дизајнира интегрирани социјални услуги засновани на потребите и барањата на станбените единици, како модел за лица со интелектуална попреченост во Демир Капија, ќе се спроведе сеопфатен преглед на практиките и стандардите за социјални услуги засновани на поттебите на заедницата и анализа на состојбата со услугите во Демир Капија и околните заедници, мапирање и преглед на Планот за трансформација за Демир Капија и локалните акциони планови за лица со посебни потреби и попреченост, вклучувајќи деск и теренско истражување.

Во координација со Општина Демир Капија, проектниот тим ќе избере 2 нови објекти кои ќе служат како нови групни домови/ станбени единици и во соработка со персоналот на заводот во Демир Капија, проектниот тим ќе идентификува 10 корисници кои треба да бидат преселени во двата групни домови, со приоритет на лицата со интензивни потреби за поддршка. Според тоа ќе се овозможи воспоставување и операционализација на социјални услуги базирани на потребите и условитена станбените единици.

Акцијата ќе стави посебен акцент на олеснување и промовирање на комуникација и соработка помеѓу општинските власти, граѓанското општество и другите локални чинители за развој и имплементација на ефективни социјални услуги за живеење базирани на станбените единици и иновативни социјални услуги базирани на заедницата. Соработката и инклузивниот дијалог помеѓу општинските власти, граѓанските организации (ГО) и другите засегнати страни е од суштинско значење за да се овозможи оваа реформа да биде ефективна.

Предвидени се серија активности за градење на капацитети со цел зајакнување на капацитетот на ГО - (потенцијални) даватели на услуги, за поддршка на соработката помеѓу општинските власти, ГО и други локални чинители во развојот и имплементацијата на социјалните услуги засновани на потребите и условите на станбените единици и конечно да се овозможи стручните лица од јавните служби да ја вршат својата работа без дискриминација на лица со (интелектуална, физичка) попреченост.

Покрај тоа, проектот ќе се обиде да го подобри прифаќањето и вклучувањето на лицата со попреченост во локалната заедница со промовирање на прифаќање и промена на стигмата со кои се соочуваат лицата со посебни потреби во нивната непосредна околина и кои го попречуваат нивното целосно учество во сите сфери на животот, преку активности за пристап и подигнување на свесноста на заедницата во Демир Капија и соседните заедници.

Клучни засегнати страниво проекто се ЈУ Специјален Завод во Демир Капија и другите национални и локални институции, одговорни за благосостојбата на лицата со посебни потреби, како што се Министерството за труд и социјална работа, Завод за Социјални Дејности, центрите за социјална работа (ЦСР), како и здравствени, социјални и образовни институции, даватели на социјални услуги, граѓански организации кои ги поддржуваат лицата со посебни потребии сл. и локалните заедници.

Позначајните услуги кои ќе се обезбедат во рамките на овој проект вбројуваат:

• 10 лица од заводот во Демир Капија да бидат преместени во станбени единици приспособени за нивните потреби во рамките на заедницата;
• Воспоставување и операционализација на 2 мали заедници - (станбени единици);
• Зголемена достапност на иновативни социјални услуги засновани во заедницата за лица со посебни потреби и лица со попреченост, како што се интензивна интеракција, лично планирање / помош, домашна нега / грижа и пакети за лична нега;
• Најмалку 20 лица со посебни потреби кои користат ново-воспоставени иновативни социјални услуги засновани во заедницата, зголемена заложба на локалната самоуправа и заедницата кога се работи за социјални услуги базирани на потребите и условитена станбените единици и / или иновативни социјални услуги;
• Најмалку 20 стручни лица обучени за планирање и обезбедување на социјални услуги базирани на потебите и условите на станбените единици ;
• Изградени капацитети на 30 вработени во ГО за иновативно воспоставување и испорака на иновативни социјални услуги засновани во заедницата;
• Изградени капацитети на 10 лица од општински и надлежни органи за социјална заштита за воспоставување и испорака на иновативни социјални услуги засновани на станбените единици;
• Изградени капацитети на 50 стручни лица во јавните услуги (наставници, лекари по општа медицина, медицински сестри, културни работници, стручни и социјални услуги итн.) врз основа на вклученост на корисниците;
• Зголемена свесност на локалната заедница и засегнатите страни за проблемот на институциите и предностите на деинституционализација, правата на лицата со инвалидитет и придобивките од вклучувањето на корисниците и заедницата.

Проектот е финансиран од Европската Унија.

Партнери:

KMOP –Центар за социјална акција и иновација (ГР),Координатор

Здружение за поддршка и развој Хуманост (MK)

Општина Демир Капија (MK)

Времетраење на проектот 03/02/2020 – 02/02/2023