Во рамки на проектот „Унапредување на активното вклучување на маргинализираните лица исклучени од пазарот на труд“, на 29, 30 и 31 мај се одржа Обука за социјално менторство.

На обуката присуствуваа 60 стручни лица, вработени во Центрите за социјална работа и Центрите за вработување низ земјава. Целта на обуката беше запознавање со моделот на социјално менторство, кој за прв пат во земјава беше пилотиран во рамки на проектот. Обуката ја водеше Маја Ташева Биткоска од Центарот за вработување во Охрид, која воедно е и еден од 12те социјални ментори во земјава.