Предизвик

Урбаните градини во заедницата се градини кои функционираат преку заедничка и  доброволна посветеност, нудејќи простор каде што може да се зајакнат социјалното вклучување, духот на заедницата, учењето и солидарноста. Урбаните градини обезбедуваат можност за конструктивни активности, придонес кон заедницата, градење на односи и развој на меѓучовечки вештини. Покрај тоа, урбаното градинарство придонесува за прилагодување на климатските промени и опсегот на екосистемот.

Во овој контекст, УРБАН има за цел да поттикне активно учество и едукација на членовите на локалната заедница - вклучително ранливи категории и загрозени млади луѓе, мигранти / бегалци - преку поставување и одржување урбани градини и заедничка работа во ова инклузивно опкружување.

За проектот

Урбаното градинарство е начин да се стимулира позитивната и локална динамика и да се создаде чувство на заедница меѓу луѓето кои веруваат дека животната средина игра основна улога во екосистемот и прилагодувањето на климатските промени. Со учество во поставување и одржување на урбани градини, ранливите категории на млади луѓе ќе се вклучат, ќе се поврзат и ќе се чувствуваат самоуверено благодарение на знаењето што ќе го стекнат.

Дополнително, проектот ќе разработи иновативен едукативен метод за предавање на “меки вештини” на идните млади земјоделци преку работа во градината, на пр. меѓучовечка комуникација, тимска работа, управување и планирање.

 

УРБАН има за цел:

• Развивање ресурси за обука и учење, кои го поддржуваат професионалниот развој на нови и постојни практичари и едукатори во областа на наставата за возрасни.
• Активно вклучување на локални млади луѓе загрозени од маргинализација.
• Развивање на методи за обука, програма и методологија, вклучително и модул за обука, заснован на активности поврзани со поставување и одржување на урбани градини.

 

Кој ќе има корист?

• Ранливи категории и млади луѓе загрозени од исклучување
• Млади луѓе со мигрантско / бегалско потекло
• Млади луѓе кои се соочуваат со економски пречки или доаѓаат од рурални области
• Обучувачи, членови на организации

Акција

УРБАН прирачник за еко урбано градинарство

Прирачникот за млади ќе биде корисен извор на практични информации за директно спроведување на иновативни методи и пристапи во методологиите за урбано градинарство. Има намера да обезбеди опиплив патоказ, со насоки за техничка помош, за да ги насочи младите и локалните заедници кон нивната цел за одржлива градина во заедницата. Прирачникот ќе содржи збир на практични алатки и методи прилагодени на специфичните потреби за обучена младина од областа - и други корисници на проектот - што треба да се применат во организации, услуги и поврзани професионални активности.

Наставна програма и прирачник за обука за урбано градинарство за обучувачи

Прирачникот ќе ги насочи обучувачите кон подобар пристап и водење на младинските учесници кои сакаат да се едуцираат во областа на активности на урбано земјоделство. Прирачникот за обучувачи ќе ги испита целокупниот процес, улогите и вештините вклучени во активностите во урбаното земјоделство и има за цел да им обезбеди на обучувачите подобро да го разберат процесот на обучување.. 

Наставен план за обука за урбано градинарство за млади

Наставниот план за обука ќе биде посветен на урбаното градинарство како средство за поддршка на социјалната инклузија и развојот на заедницата. Целта е да се дизајнира и развие програма за обука на млади луѓе кои сакаат да научат повеќе, да бидат обучени и да се вклучат во активности за урбано земјоделство.

Апликација и платформа за обука

Ќе се развијат апликација и платформа за е-учење. Платформата, која ќе биде компатибилна со десктоп и мобилни уреди, ќе вклучува студии на случаи и модули за обука кои обезбедуваат знаење потребно за создавање урбана градина и креирање катче за социјална интеграција, како и важни совети и информации за идните млади урбани градинари.

Апликацијата УРБАН ќе биде специјално дизајнирана за урбани градинари и ќе биде достапна и за iOS и за Android. Апликацијата ќе биде повеќе фокусирана на трендот на урбано градинарство. Ќе прикажува листа на настани поврзани со урбано градинарство во секоја земја-партнер, а исто така ќе обезбеди лесен начин да стапите во контакт со други урбани градинари, да размените совети и трикови и да најдете локални иницијативи за средби.

УРБАН курс за обука за млади и практични работилници

Целта на пилотирањето на наставниот план како обука е да се осигура дека тој е ефективен и да се направат промените и прилагодувања пред планот да биде пошироко дистрибуиран. Така, информациите собрани од пилот-програмата ќе се користат за зајакнување и подобрување на содржината на обуката, материјалите и сл. Сесиите за обука ќе се одржат во секоја земја-партнер и ќе се засноваат на мешаниот пристап за учење, вклучително и веб-обуки

Финансирано од: Еразмус+

Времетрање: 01/06/2020 - 01/06/2022

Партнери:

KMOP (GR)

Xwhy (LT)

BUPNET (DE)

KMOP Skopje (MK)

AMADORA INOVA (PT)

Контактt

За повеќе информации посетете ја веб сратаната на проектот www.urbangardeningproject.eu