КМОП е непрофитна организација, основана во 1977 година. Таа е една од најстарите невладини организации во Грција со повеќе од 40 години акумулирано искуство во поддршка на маргинализирани групи.
КМОП верува дека предуслов за градење на подобар свет е решавање на основните причини за ранливоста преку градење на издржливост на поединците и заедниците за да истите предвидат, се спротивстават и се опорават од ризиците што ги предизвикуваат променливите општествени, технолошки и еколошки случувања. Ваквата флексибилност не е можна доколку не се работи на градење мостови меѓу луѓето, групите и заедниците.
КМОП работи со јавниот и со приватниот сектор, како и со граѓанското општество ориентирано кон решенија, базирани на знаење и интервенции кои се од клучно значење за флексибилноста и создавање на свет како подобро место за живеење. Главни области на експертиза во кои работи организацијата се социјална заштита и здравство, вработување и заштита на човековите права, научни истражувања и развој на знаења во социјалната политика.
Центарот за семејно и детско згрижување (КМОП) работи главно во други држави надвор од Грција, вклучувајчи ја и Македонија почнувајќи од 2015 година. КМОП најпрво основа проектна канцеларија која потоа прерасна во локална подружница, која е регистрирана како локално Здружение на граѓани и работи автономно, но се потпира на богатото искуството на КМОП и ги следи состојбите во однос на ранливите групи во државата.
До сега организацијата работела со маргинализирани групи во државата, обидувајќи се да го фасилитира нивното вклучување на пазарот на труд и промоција на нивната социјална инклузија преку користење на социјално менторство. Ова се покажа како успешен метод, со што многу корисници од ранливите групи беа поврзани со приватниот сектор, а некои од нив дури имаа можност да остварат и практична работа во локални приватни компании.
Во исто време организацијата работи во насока на спречување на децата Роми да го напуштаат формалниот образовен систем во државата, нешто што би довело до поголемо вклучување во нивните локални заедници. За да се оствари тоа, се обидуваме да ги мобилизираме и развиеме локалните граѓански организации активни во сферата на поддршка на Ромската заедница преку користење на механизнот за под-грантирање, кој ќе ги мотивира во насока на превземање конкретни акции во ова поле со цел да развијат конкретни активности.
Нашата цел е да бидеме активно вклучени во сферата на системот на социјална заштита во Македонија колку што е можно повеќе, да допринесеме за олеснување на различните ранливи групи преку креирање на иновативни и ефективни решенија за некој од проблемите кои се јавуваат во државата, како и градење на локални заедници кои ќе бидат по флексибилни кон оние на кои им е потребна поддршка.
