Како корисници на грант од ЕУ програмата “Поттикнување на социјална инклузија“ EuropeAid/135012/M/ACT/MK, претставници на КМОП и партнерската организација Фајнанс Тинк учесвтвуваа на завршниот настан на проектот „Техничка помош во управување и мониторирање на проекти од грантовата програма „Поттикнување на социјална инклузија” одржан на 16.11.2017 во Скопје.

Завршниот настан се состоеше од 4 дела:

• Тркалезна маса на тема „Извлечени поуки од спроведувањето на проекти за социјално вклучување“ со соодветни лични сведоштва;
• Промоција на брошурата „Проекти за поттикнување на социјалното вклучување“;
• Доделување на сертификатите - каде Извршниот директор на  КМОП – Марија Самарџиоска  беше наградена со 2 сертификати за успешно завршениот циклус на семинари и обуки; и
• Саем на проекти, на кој КМОП имаше можност да се презентира како организација, како и тековните и минатите проекти, вклучувајќи го проектот  “Унапредување на активното вклучување на маргинализираните лица исклучени од пазарот на труд“, имплементиран во рамките на оваа грантова програма.

Овој настан беше ретка можност за самопромоција, за градење на идни партнерства со други организации и вмрежување.