Од 1991 година, Република Македонија поминува низ тежок период на транзиција од планирана во пазарна економија. Овој процес резултираше со високи стапки на невработеност и зголемена стапка на сиромаштија. И покрај значајниот напредок во макроекономската стабилизација и во процесот на приватизација, креирањето на нови работни места беше незначително.
Невработеноста во Македонија е една од најзначајните и најтешките економски, социјални и политички проблеми. Според податоците од Државниот завод за статистика, стапката на невработеност во Македонија се намалила на 22,9% во првата четвртина од 2017 година од 24,5% споредено со истиот период минатата година. И покрај високата стапка на невработеност која постои во целата држава, има значителни разлики по региони. Најниска стапка на невработеност е видлива во јужните и-источните региони, каде што главно има земјоделски и туристички дејности, додека во регионите со концентрирано индустриско производство има висок процент на невработеност. Загрижувачки е фактот што има висок процент на невработеност помеѓу младата популација од 15-24 години - 44,4% во првата половина на 2017 година. Нема голема разлика помеѓу невработеноста кај мажите (23,2%) и жените (22,5%).
Врз основа на ова, главните предизвици – критични поблеми кои треба да се решат се следниве:
- Висока стапка на невработеност на младата популација (44%до 24 годишна возраст)
- Повисока невработеност на маргинализираните групи
- Неефикасни активни мерки на пазарот на труд
- Недостаток на меки вештини
- Недостаток на претприемачки вештини
- Висока стапка на долгорочно невработени лица
- Недостаток на програми за подобрување на вештините за работа
Во однос на овие предизвици, КМОП може да пренесе богато искуство во креирање и имплементирање на активни мерки за вработување, вклучувајќи: проценка на работната сила за да се осигура дека невработените се обучени со потребните вештини кои ги задоволуваат барањата на пазарот; градење на основни и технички вештини; стручно образование и обука; советување и градење на животни вештини; услуги за поддршка на бизниси и промоција на социјална економија и претприемништво. Искуството и експертизата на КМОП е поспецифична кога станува збор за специјално креирани/прилагодени програми насочени кон промовирање на (ре)интеграција на социјално ранливите групи на пазарот на труд, не само во Грција туку и во странство.
За повеќе информации во врска со релевантните проекти ве молиме кликнете овде
