Во рамките на проектот „Унапредување на активното вклучување на маргинализираните лица исклучени од пазарот на труд“, во текот на месец јули 2017 се одржаа три еднодневни семинари на кои присуствуваа повеќе од 90 претставници на јавни институции, граѓански организации, работодавачи
Тренинг работилница се одржа на 12.03.2018 година (понеделник) во Скопје во рамките на проектот „Градење на посилно граѓанско општество за поттикнување на напорите за унапредување на образовната инклузија на Ромите“, финансиран од Европската Унија. На обуката учествуваа претставници од сите
Подружницата на КМОП во Скопје денес го прославува својот прв роденден, со оглед на тоа дека помина една година од официјалната регистрација!
КМОП неодамна доби нов проект финансиран од ЕУ во Македонија, насловен „Градење посилни локални мрежи за унапредување на правата на децата Роми“. Овој тригодишен проект ќе биде имплементиран во соработка со Ромскиот Ресурсен Центар (МК).
Општата цел на проектот е да се зголеми активноста на лицата кај кои постои ризик од социјално исклучување од пазарот на трудот преку подобрување на нивните вештини, образование, квалификации и олеснување на нивната целосна интеграција во општеството и пазарот на трудот.
Оваа општа цел е поделена на посебни цели кои вклучуваат конкретни интервенции на три фронта:
Цел 1: Подобрување на ефикасноста во вработувањето и социјалните услуги како начин за унапредување на социјалното вклучување на ранливите и маргинализираните групи преку помагање на стручните лица од Центрите за вработување и Центрите за социјална работа во развој на нови вештини како ’Ментори за социјално вклучување‘;
Цел 2: Оспособување на ранливите и маргинализираните групи и вградување вештини и искуство потребни за надминување на пречките со кои се среќаваат на патот кон долгорочна работа и независност, преку програма за обука пред вработување и обезбедување работа или стажирање во локалните бизниси и социјални претпријатија;
Цел 3: Поттикнување подобрувања во обезбедувањето на услугите преку осмислување нови услуги за поддршка на семејствата и механизми за упатување, подигнување на јавната свест, како и развивање ефективни партнерства меѓу клучните чинители (единици на локалната самоуправа, владини институции, невладини организации кои се вклучени во обезбедувањето на услугите, социјални партнери, даватели на образование и обука) за да се произведат резултати на теренот.
Проектот следи сеопфатен пристап, комбинирајќи неколу различни компоненти: а) градење капацитети на професионалци и ранливи категории на групи; б) зголемување на јавната свест; и в) имплементација на практични пилот активности. Главниот елемент каде се вложени најмногу напори е имплементацијата на пилот активности, во чии рамки беше за првпат во Република Македонија имплементирана специјално дизајнираната Програма за менторирање, фокусирана на унапредување на процесите на вработување на ранливи групи на граѓани. И покрај моменталната економска состојба која спречува многу компании да инвестираат во човечки ресурси, оваа програма се докажа успешна, имајќи предвид дека преку неа не само што одреден број на корисници учестуваа во практикантската програма, туку сите корисници се доближија до приватниот сектор и потенцијалните работодавачи, што претставува основа за нивна инклузија на пазарот на трудот.
Севкупните остварувања во рамките на проектот беа презентирани на завршната конференција која се одржи на 11ти јули 2017 година во Хотел Порта, каде присуствуваа претставници на повеќе општествени чинители, вклучително и Делегацијата на ЕУ, Министерството за труд и социјална политика, општините, Центрите за социјална работа, приватни компании и граѓански организации.
Проектот започна во декември 2015 година и се приближува кон завршната фаза, со што фокусот се става на капитализација и понатамошно проширување на проектните аутпути, како и на изнаоѓање на алтернативни можности за негово продолжување.
Помеѓу најзначајните достигнувања во рамките на проектот се вбројуваат:
- 130 луѓе од различни ранливи групи стекнаа основни вештини за вработување и се доближија до приватниот сектор
- 20 луѓе учествуваа во практикантската програма
- 80 професионалци добија обука за социјални ментори, развивајќи ги своите вештини за менторирање на корисниците на социјални услуги во Центрите за социјална работа и Агенцијата за вработување
- Повеќе од 200 компании беа информирани за придобивките од вклучување на луѓе од ранливи категории во нивните активности
- Голем дел од јавноста беше сензибилизирана за важноста од вклучување на ранливите групи граѓани на пазарот на трудот
Проектот е спроведен во Република Македонија во рамки на Оперативната програма за развој на човечките ресурси за периодот 2007-2013 година преку Инструментот за претпристапна помош.